🇨🇦 加拿大升學全攻略 (多倫多) Daycare → High School

加拿大的「校區」制度 按址就讀： 實行嚴格的就近入學，你的居住地址（買房或租房皆可）直接決定孩子能讀哪所學校。 如何查詢： 到當地教育局官網，輸入家裡的郵遞區號 (Postal Code)，就能一秒查到對應的學區。 公立 vs 天主教： 公立學校主要分這兩類，皆為政府撥款、對本地生免費。天主教學校通常要求家長或孩子有受洗證明，校風較嚴謹。 1. Daycare（0–4歲） 呢個階段主要係托兒服務，分 licensed daycare 同 home daycare。Licensed daycare 由政府規管，安全同師生比例較穩定，但最大問題係「好難排」，熱門地區通常要預早一年甚至兩年排隊。收費方面，安省推行 $10 a day childcare 計劃後，部分合資格中心大約每日20至30加幣，但未納入計劃或私營中心可以去到60至100加幣一日。 2. Kindergarten（4–5歲） 分 JK（Junior Kindergarten）同 SK（Senior Kindergarten），屬於公立免費教育。呢個階段唔係學術主導，而係以 play-based learning 為主，小朋友主要學社交能力、英文適應、基本數學概念同自理能力，基本上係幫小朋友適應加拿大教育模式。 3. Elementary School（Grade 1–8，約6至13歲） 學生開始正式學科，包括英文、數學、科學、社會科、藝術、音樂同體育，通常 Grade 4 開始會有法文（French）。同香港最大分別係加拿大幾乎冇密集考試，主要係功課、project 同老師評估，重視過程多過考試分數。 4. High School（Grade 9–12，約14至17歲） 學生開始進入真正「分流階段」，亦係升學最關鍵部分。學生開始自己揀科，必修包括英文、數學、科學、體育、加拿大歷史等，再加選修科例如 biology、chemistry、physics、business、computer science、arts 等。完成高中需要修滿約30個 credits，加埋40小時義工同 literacy requirement，完成後就會取得 Ontario Secondary School Diploma（OSSD），可以申請大學或college。 到高中階段，學生會開始出現幾條唔同升學路線，唔再係單一制度，而係按能力同目標分流： *OSSD （Regular Program） 即係最基本高中課程路線，學生按興趣選科完成 credits 畢業，再申請 College 或 University，屬於最普遍、彈性最大路線。 *IB（International Baccalaureate）國際文憑課程 通常係部分指定高中先有，屬於較高強度學術課程。IB 特點係課程完整性高，除咗科目考試之外，仲包括論文（Extended Essay）、TOK（Theory of Knowledge）同 CAS（活動/社會服務）。IB 最大優勢係國際認受性極高，對申請 University of Toronto、McGill 或海外名校特別有幫助，但學習壓力亦相對較大，適合學術能力較強同自律性高學生。 *AP（Advanced Placement） 屬於美國體系延伸課程，部分加拿大高中會提供。AP 特點係「單科制」，學生可以自由揀1–幾科去考試（例如 AP Calculus、AP Biology、AP Computer Science），考試分數由1至5級，部分大學可用嚟換取學分或提升入學競爭力。相比 IB，AP 彈性更大，適合想針對性加強某幾科或未必想承受IB全套壓力的學生。 另外亦有 French Immersion（法語沉浸課程），學生會用法文學部分科目，對將來政府工、國際機構或雙語能力發展有優勢，但初期適應會比較難。 部分學校亦提供 Gifted Program（資優班），需要測試入學，課程進度較快、深度較高，適合學習能力較強學生。 常見升學路線基本係：Daycare → JK/SK → 小學（G1–G8）→ 中學（G9–G12）→ 大學或College。部分學生會選擇 French Immersion、Gifted program、IB program 或 AP 課程，按能力同升學目標去分流。